Aye Sabz Gumbad Waale Manzoor Dua Karna Naat Lyrics

Aye Sabz Ghumbad Waale Manzoor Dua Karna
Jab Waqte Nazaa Aaye Deedar Ataa Karna

Aye Noore Khuda Aa kar Aankhon Me Samaa Jaana
Ya Dar Pe Bulaa Lena Ya Khwaab Me Aa Jaana
Aye Parda Nashi Dil Ke Parde Me Raha Karna

Mehboob-E-ilaahi Sa Koi Na Haseen Dekha
Yeh Shaan Hai Unki Ke Saaya Bhi Nahi Dekha
Allah Ne Saaye Ko Chaaha Na Juda Karna

Main Qabr Andheri Me Ghabraunga Jab Tanha
lmdaad Ko Meri Tum Aa Jaana Zara Shaaha
Roshan Meri Turbat Ko Lillaah Zara Karna

Mujrim Hoon Jahaan Bhar Ka Mehshar Me Bharam Rakhna
Ruswaa-E-Zamaana Hoon Daaman Me Chupa Lena
Maqbool Dua Meri Mehboob-E-Khuda Karna

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel