Aye Habeeb e Ahmad e Mujtaba Salaam Lyrics

Aye Habeeb e Ahmed e Mujtaba
Dil e Mubtala Ka Salaam Lo
Jo Wafaa Ki Raah Me Kho Gaya
Usi Gum Shuda Ka Salaam Lo.

Main Talab Se Baaz Na Aaunga
Tu Karam Ka Haath Badhaye Ja
Jo Tere Karam Se Hai Aashna
Usi Aashna Ka Salaam Lo.

Tera Noor Ho Mere Seene Me
Mile Lutf Mujh Ko Bhi Jeene Me
Meri Haazri Ho Madine Me
Meri Is Duaa Ka Salaam Lo

Koi Mar Raha Hai Bahisht Par
Koi Chahata Hai Najaat ko
Mai Tujhi Ko Chahu Khuda Kare
Meri Is Dua ka Salaam Lo.

Wo Hussain Jisne Chidak Ke Khoo(n)
Chaman e Wafaa Ko Hara Diya
Usi Jaa(n) Nisaar Ka Waasta
Ke Har Ik Gadaa Ka Salaam Lo.

Tamaam Auliya Ke Buland Sar
Hai Qadam Pe Jinke Jhuke Huwe
Usi Pyaare Ghous Ka Waasta
Ke Har Ik Gadaa Ka Salaam Lo.

Yehi Roz O Shab Hai Dua Meri
Ke Maru To Tere Dayaar Me
Yahi Mud-dua E Hayaat Hai
Isi Mud-dua Ka Salaam Lo.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel