Apni Ata Ka Haq Ne Ye Manzar Dekha Diya Naat Lyrics




Apni Ata Ka Haq Ne Ye Manzar Dekha Diya
Dil Mera Aastane Nabi Par Jhuka Diya

Kohe Shahe Arab Ka Bana Kar Mujhe Faqeer
Shaaho Ka Martaba Mere Dil Se Ghata Diya

Aisa Kareem Aisa Sakhi Aur Koun Hai
Mangta Jo Aaya Mangne Sultan Bana Diya

Pohncha Diya Khuda Ne Dare Shah Par Hume
Allah Ne Ye Naat Ka Acha Sila Diya

Hum Se Zyada Kaun Hai Dunya Me Khush Naseeb
Hum Ko Khuda Ne Un Ka Sana Khawan Bana Diya

Rashke Falaq Hai Mere Muqaddar Ki Rif’atein
Mujh Ko Ghulam Un Ka Khuda Ne Bana Diya

Ankho Me Bas Gaya Hai Jamaale Khuda Riyaz
Deedar Jab Se Un Ka Khuda Ne Kara Diya

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel