Aankhon Ko Woh Pur Kaif Nazaare Nahi Bhule Naat Lyrics

Aankhon Ko Woh Pur Kaif Nazaare Nahi Bhule
Woh Din Jo Madine Mein Guzaare Nahi Bhule


Bechain Hai Ik Baar Uthai Phir Wohi Ungli
Mehtaab Ko Aaqa Ke Ishaare Nahi Bhule

Ghir Jaaun Main Ji Chahe Mera Phir Se Bhanwar Mein
Aaqa Ne Diye The Jo Sahaare Nahi Bhule

Islam Ke Gulshan Ko Bachaya Tha Jinhon Ne
Karbal Ko Woh Zahra Ke Dulaare Nahi Bhule

Taiba Ki Haseen Raat Mein Faarooqi Humari
Taqdeer Ke Chamke Jo Sitare Nahi Bhule

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel