Aalam Mein Baraat Rachi Hai Arsh Ka Dulha Aaya Hai Naat Lyrics

Aalam Mein Baraat Rachi Hai Arsh Ka Dulha Aaya Hai
Jagmag Jagmag Duniya Sajee Hai Arsh Ka Dulha Aaya Hai

Arsh Se Utra Noor Khuda Ka Noor Badaamaan Saari Duniya
Inki Ziya Se Ye Chamki Hai Arsh Ka Dulha Aaya Hai

Kufr Ki Boo Kafoor Hui Hai Shahe Dinaa Ki Aamad Se
Khushbooye Imaan faili Hai Arsh Ka Dulha Aaya Hai

Nikhre Nikhre Gulshan Saare Rang Ajab Hain Phoolon Ke
Daali Daali Yoon Mehki Hai Arsh Ka Dulha Aaya Hai

Khushiyon Ke Fawwaare Uble Kaisi Masti Chaayi Hai
Ghar Ghar Mein Shaadi Utri Hai Arsh Ka Dulha Aaya Hai

Farsh Pe Chamka Arsh Ka Taara Aamina Bi Ke Ghar Utra
Do Aalam Mein Dhoom Machi Hai Arsh Ka Dulha Aaya Hai

Hooro Ghilmaan Saare Malaik Jinno Insaan Taabe Hain
Dono Aalam Par Shaahi Hai Arsh Ka Dulha Aaya Hai

Me’raj Ki Manzil Pe Ujaagar Tanha Fayiz Sarwar Hain
Baraati Har Ek Nabi Hai Arsh Ka Dulha Aaya Hai

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel