Aa Jaaye Bulawa Mujhe Aaqa Ke Dar Se Naat Lyrics

Aa Jaaye Bulawa Mujhe Aaqa Ke Dar Se
Jis Dar Ki Ghulami Ko To Jibreel Bhi Tarse

Paidal Hi Nikalte Hain Masaafat Ka Nahin Khauf
Thakte Hi Nahin Hum To Madine Ke Safar Se

Sunnat Pe Teri Chalne Ka Aa Jaaye Qareena
Ye Abr-E-Karam Kaash Mere Dast Pe Barse

Zarra Bhi Lage Gohar-O-Almaas Se Badh Kar
 Dekhe To Koi Khaak-E-Arab Meri Nazar Se

Ek Main Hi Nahin Taalib-E-Jalwa Mere Aaqa
Har Ek Musalmaan Tere Deed Ko Tarse

Namoos-E-Muhammad Ke Liye Jaan Bhi Doonga
Ho Jaunga Waaqif Main Shahaadat Ke Hunar Se

Dunya Ke Faqat Chand Hi Lamhaat The Guzre
Ho Aaye Payambar Mere Sadiyaun Ke Safar Se

Jo Shaam-O-Sahar Salle Alaa Kehta Rahega
Aayega Bulaawa Use Aaqa Ke Nagar Se

Kuch Khauf Nahin Mujh Ko Kadee Dhoop Ka Amjad
Saaya Mujhe Miltaa Hai Risaalat Ke Shajar Se


© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel