Shukre Khuda Ke Aaj Ghadi Us Safar Ki Hai Naat Lyrics

Shukre Khuda ki aaj ghadi us safar ki hai
Jis par nisaar jaan falaaho zafar ki hai

Garmi hai tap hai dard hai kulfat safar ki hai
Na shukr ye to dekh azeemat kidhar ki hai

Kis khaake paak ki tu bani khaake pa shifa
Tujh ko qasam janaabe maseeha ke sar ki hai

Aabe hayaat rooh hai zarqa ki boondh boondh
Ikseere aa'zame mise dil khaak dar ki hai

Hum ko to apne saaye mein aaraam hi se laaye
Heele bahaane walo ko yeh raah dar ki hai

Lut-te  hai maare jaate hain yoon hi suna kiye
Har baar di woh amn ki gairat hazar ki hai

Woh dekho jagmaagti hai shab aur qamar abhi
Pahro nahi ki bisto chaharum safar ki hai

Maahe Madina apni tajalli ata kare
Yeh dhalti chandi to peher do peher ki hai

Man zaara turbati wajabat lahu shafa'ati
Un par durood jin se naveed in bushar ki hai

Us ke tufail Haj bhi Khuda ne kara diye
Asle muraad haazri us paak dar ki hai

Kaabe ka naam tak na liya Taiba hi kaha
Poocha tha hum se jisne ki nahzat kidhar ki hai

Kaaba bhi hai inhi ki tajalli ka ek zil
Raushan inhi ke aqs se putli hajar ki hai

Hote kaha Khaleelo bina Kaaba wa Mina
Laulaak waale saahibi sab tere ghar ki hai

Maula Ali ne waari teri neend par namaaz
Aur woh bhi Asr sab se jo aa'la khatar ki hai

Siddique balki gaar mein jaan us pe de chuke
Aur hifze jaa(n) to jaan furooze gurar ki hai

Haan tune unko jaan unhe fer di nsmaaz
Par woh to kar chuke the jo karni bashar ki hai

Saabit huwa ke jumla faraaiz furooa' hai
Aslul usool bandagi us taajwar ki hai

Shar khair shaur saur sharar door naar noor
Bushra ki baargaah yeh Khairul bashar ki hai

Mujrim bulaye aaye hai "Jaauka" hai gawah
Phir rad ho kab yeh shaan Kareemon ke dar ki hai

Bad hai magar unhi ke hain baagi nahi hai hum
Najdi na aaye usko yeh manzil khatar ki hai

Tuf najdiyat na kufr na islaam sab pe harf
Kaafir idhar ki hai na udhar ki adhar ki hai

Haakim hakeem daado dawa den yeh kuch na den
Mardood ye muraad ye kis aayat, khabar ki hai

Shakle bashar mein noore ilaahi agar na ho
Kya qadr us khameera e maa- o madar ki hai

Noore Ilaah kya hai mahabbat Habeeb ki
Jis dil mein yeh na ho woh jagah khooko khar ki hai

Zikre Khuda jo unse juda chaaho najdiyon
Wallah zikre Haq nahi kunji sakar ki hai

Be unke waaste ke Khuda kuch ata kare
Haashaa galat galat yeh hawas be basar ki hai

Maqsood ye hain Aadamo Nooho Khaleel se
Tukhme karam mein saari karaamat samar ki hai

Unki Nubuwwat unki ubuwwat hai sab ko aam
Ummul Bashar aroos inhi ke pisar ki hai

Zaahir mein mere phool haqeeqat mein mere nakhl
Us gul ki yaad mein ye sada bul bashar ki hai

Pehle ho unki yaad ki paaye jilaa namaaz
Yeh kehti hai azaan jo pichle peher ki hai

Dunya mazaar hashr jahaa(n) hai Gafoor hain
Har manzil apne chaand ki manzil gafar ki hai

Un par durood jinko hajar tak kare salaam
Un par salaam jinko tahiyyat shajar ki hai

Un par durood jin ko kase be kasaa(n) kahen
Un par salaam jinko khabar be khabar ki hai

Jinno bashar salaam ko haazir hain assalaam
Yeh baargaah maalike jinno bashar ki hai

Shamso qamar salaam ko haazir hain assalaam
Khoobi inhi ki jot se shamso qamar ki hai

Sab behro bar salaam ko haazir hain assalaam
Tamleeq inhi ke naam to har behro bar ki hai

Sango shajar salaam ko haazir hain assalaam
Kalime se tar zabaan darakhto hajar ki hai

Arzo asar salaam ko haazir hain assalaam
Maljaa ye baargaah dua o asar ki hai

Shoreeda sar salaam ko haazir hai assalaam
Raahat inhi ke qadmon mein shoreeda sar ki hai

Khasta jigar salaam ko haazir hain assalaam
Marham yahi ki khaak to khasta jigar ki hai

Sab khuhko tar salaam ko haazir hain assalaam
Yeh jalwa gaah Maalike har khushko tar ki hai

Sab karro far salaam ko haazir hain assalaam
Topi yahi to khaak pe har karro far ki hai

Ahle nazar salaam ko haazir hain assalaam
Yeh gard hi to surma sab ahle nazar ki hai

Aasoo baha ki beh gaye kaale gunaah ke dher
Haathi dubaau jheel yahan chashme tar ki hai

Teri qaza khalifaye ahkaame zil jalaal
Teri riza haleef qazaa o qadar ki hai

Yeh pyari pyari kyaari tere khaana baag ki
Sard iski aabo taab se aatish sakar ki hai

Jannat me aake naar mein jaata nahi koi
Shukre Khuda naveed najaato zafar ki hai

Momin hoon mominon pe Raufo Raheem ho
Saail hoon saailon ko khushi laa nahar ki hai

Daaman ka waasta mujhe us dhoop se bacha
Mujhko to shaaq jaado mein is do peher ki hai

Maa dono bhai bete bhateeje azeez dost
Sab tujh ko saunpe milk hi sab tere ghar ki hai

Jin jin muraadon ke liye ahbaab ne kaha
Peshe khabeer kya mujhe haajat khabar ki hai

Fazle Khuda se ghaib shahadat hua inhen
Is par shahadat aayato wahyo asar ki hai

Kehna na kehne waale the jab se to iltijaa'
Maula ko qaulo qaailo har khushko tar ki hai

Un par kitaab utri bayanan likulli shaia
Tafseel jis mein ma a-baro ma gabar ki hai

Aage rahi ata woh ba qadre talab to kya
Aadat yaha ummeed se bhi beshtar ki hai

Be maange dene waale ki ne'mat mein gark hain
Maange se jo mile kise fehem us qadar ki hai

Ahbaab isse badh ke to shayad na paaye arz
Naa karda arz arz yeh tarze digar ki hai

Dandaa(n) ka na'at khwaa(n) hoon na paayaab hogi aab
Naddi gale gale mere aabe guhar ki hai

Dashte haram mein rehne de Sayyad agar tujhe
Mitti azeez bulbule be baalo par ki hai

Ya Rab Raza na Ahmade paareena ho ke jaaye
Ye baargaah tere Habeebe abar ki hai

Taufeeq de ki aage na paida ho khooye bad
Tabdeel kar jo khaslate bad peshtar ki hai

Aa kuch suna de ishq ke bolo(n) mein aye Raza
Mushtaaq tab'a lazzate soze jigar ki hai

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel