Sab Se Aula Wa Aala Humara Nabi Naat lyrics

Sab se aula wa aala humara Nabi
Sab se baala wa waala humara Nabi

Apne Maula ka pyara humara Nabi
Dono(n) aalam ka dulha humara Nabi

Bazme aakhir ka sham'a farozaa(n) huwa
Noore awwal ka jalwa humara nabi

Jis ko shaayaa(n) hai Arshe Khuda par juloos
Hai woh Sultane waala humara Nabi

Bujh gayi jis ke aage sabhi mash-ale(n)
Sham'a woh lekar aaya humara Nabi

Jis ke talwo(n) ka dhowan hai aabe hayaat
Hai woh Jaane Maseeha humara Nabi

Arsho Kursi ki thi(n) aayina bandiyaa(n)
Suye Haq jab sidhaara humara Nabi

Khalq se Auliya Auliya se Rusul
Aur Rasoolo se Aa'la humara Nabi

Husn khata hai jis ke namak ki qasam
Woh maleehe dilaara humara Nabi

Zikr sab feeke jab tak na mazkoor ho
Namaki(n)  husn wala humara Nabi

Jis ki do boondh hain kausaro sal-sabeel
Hai woh rehmat ki dariya humara Nabi

Jaise sab ka Khuda ek hai waise hi
Inka unka tumhara humara Nabi

Qarno(n) badli Rasoolo(n) ki  hoti rahi
Chand badli ka nikla humara Nabi

Kaun deta hai dene ko munh chahiye
Dene waala hai sachcha humara Nabi

Kya khabar kitne taare khile chup gaye
Par na doobe na dooba humara Nabi

Mulke Kaunain mein Ambiya taajdaar
Taajdaro(n) ka Aaqa humara Nabi

Laa maqaa(n) tak ujaala hai jis ka woh hai
Har maqaa(n) ka ujaala humara Nabi

Saare achcho(n) mein achcha samajhye jise
Hai us achche se achcha humara Nabi

Saare ooncho(n) mein ooncha samajhye jise
Hai us oonche se ooncha humara Nabi

Ambiya se karu(n) arz kyun maaliko
Kya Nabi hai tumhara humara Nabi

Jisne tukde kiye hain qamar ke woh hai
Noore wahdat ka tukda humara Nabi

Sab chamak wale ujlo(n) mein chamka kiye
Andhe sheesho(n) mein chamka humara Nabi

Jisne Murda dilon ko di umre abad
Hai woh jaane maseeha humara nabi

Ghamzado(n) ko Raza muzda dije ki hai
Be kaso ka sahara humara Nabi

 (Sallallahu alahi wa sallam)


 

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel