Rubaaiyaat by Aala Hazrat Alaihir rehma

Aate rahe Ambiya 'Kama-qeela- lahum'
'Wal khaatamu haqqu kum' ki khaatim huye tum
Ya'ni jo hua daftare tanzeel tamaam
Aakhir mein hui mohr ki 'Akmaltu lakum'

Shab lihya wa shaarib hai rukhe roshan din
Gesu wa shabe qadro baraate momin
Mizgaa(n) ki safe chaar hain do abroo hain
'Wal fajr' ke pehlu mein 'Layalin ashr'

Allah ki sarta ba qadam shaan hain yeh
Insa nahi(n) insaan woh insaan hain yeh
Qur'an to imaan batata hai inhe
Imaan yeh kehta hai meri jaan hain yeh

Bosa gahe ashaab woh mehre saami
Woh shaanaye chap mein us ki ambar faami
Yeh turfa ki hai Kaaba e jaano dil mein
Sange aswad naseeb rukne shaami

Kaabe se agar turbate shah faazil hai
Kyun baayi taraf uske liye manzil hai
Is fikr mein jo dil ki taraf dhyaan gaya
Samjha ki woh jism hai yeh markade dil

Tum jo chaaho to qismat ki musibat tal jaaye
Kyun kar kahoon saa'at se qayaamat tal jaaye
Lillah utha do rukhe raushan se naqaab
Maula meri aayi hui shaamat tal jaaye

Yaa(n), shuba shabeeh ka guzarna kaisa
Be misl ki timsaal sanwarna kaisa
In ka mu-taalliq hai taraqqi pe mudaam
Tasveer ka phir kahiye utarna kaisa

Yeh shah ki tawaazo' ka taqaazaa hi nahi
Tasveer kheence unko ganwaara hi nahi
Maa'naa hain yeh maani ki karam kya maane
Kheencha to yaha kisi se thehra hi nahi



© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel