Raunaqe Bazme Jahaan Hain Aashiqaane Sokhta Naat Lyrics

Raunaqe bazme jahaa(n) hain aashiqaane sokhta
Keh rahi hai sham'a ki goya zabaane sokhta

Jis ko qurse mehr samjha hai jahaa(n) aye mun-eemo !
Un ke khwane jood se hai ek naane sokhta

Maahe man yeh nayyare mehshar ki garmi taa ba-ke
Aatashe isyaa(n) mein khud jalti hai jaane sokhta

Barqe angushte Nabi chamki thi is par ek baar
Aaj tak hai seenaye mah me nishane sokhta

Mehre aalam-taab jhukta hai paye tasleem roz
Peshe zarraate mazaare be dilaane sokhta

Koochaye gesuye jaanaa(n) se chale thandi naseem
Baalo par afshaa(n) hon ya Rab bulbulaane sokhta

Behre haq aye behre rehmat ik nigaahe lutf-baar
Taa ba-ke be aab tadpe(n) maahiyane sokhta

Roo kashe khurshide mehshar ho tumhare faiz se
Ik sharaare seenaye shaidaiyaane sokhta

Aatashe tar daamani ne dil kiye kya kya kabaab
Khizr ki jaa(n) ho jilaa do maahiyane sokhta

Aatashe gulhaaye Taiba par jalaane ke liye
Jaan ke taalib hain pyare bulbulane sokhta

Lutfe barqe jalwaye Me'raj laaya wajd mein
Sho'laye jawwaala saa(n) hai aasmaane sokhta

Aye Raza mazmoon soze dil ki rif'at ne kiya
Is zameene sokhta ko aasmaane sokhta.



© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel