Muzdabaad Aye Aasiyo Shaafe' Shahe Abraar Hai Naat Lyrics

Muzdabaad aye aasiyo shaafe' Shahe Abraar hai
tehniyat aye mujrimo zaate Khuda Gaffaar hai

Arsh sa farshe zamee(n) hai farshe pa arshe baree(n)
kya niraali tarz ki naame Khuda raftaar hai

Chand shaq ho ped bole(n) jaanwar sajde kare(n)
'Baarak-Allah' marjaye aalam yehi Sarkaar hai

Jin ko suye aasmaa(n) failaa ke jal thal bhar diye
sadqa un haatho(n) ka pyare hum ko bhi darkaar hai

Lab julaale chashmaye kun mein gundhe waqte khameer
murde zinda karna aye jaa(n) tum ko kya dushwaar hai

Gore gore paau(n) chamka do khuda ke waaste
noor ka tadka ho pyare gor ki shab taar hai

Tere hi daaman pe har aasi ki padti hai nazar
ek jaane be khata par do jahaa(n) ka baar hai

Joshe toofaa(n) behre be paayaa(n) hawa na-saazgaar
Nooh ke Maula karam kar le to beda paar hai

Rehmatullil aalamee(n) teri duhaai dab gaya
ab to Maula be tarah sar par gunah ka baar hai

hairate(n) hain aaina daare wufoore wasfe gul
un ke bulbul ki khamoshi bhi labe izhaar hai

Goonj goonj utthe hain nagmaate Raza se bostaa(n)
kyun na ho kis phool ki midhat mein waa minqaar hai

 

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel