Mustafa Khairul Wara Ho Naat Lyrics

Mustafa khairul wara ho
Sarware har do sara ho
Apne achchon ka tasadduq
Hum bado(n) ko bhi nibaho

Kiske phir ho kar rahe(n) hum
Gar tumhi(n) hum ka na chaho
Bad hanse(n) tum un ki khaatir
Raat bhar ro-o karaho

Bad kare(n) har dum burayi
Tum kaho unka bhala ho
Hum wohi nashusta roo hai
Tum wohi behre ata ho

Hum wohi shayaane rad hain
Tum wohi shaane sakha ho
Hum wohi besharmo bad hai
Tum wohi kaane hayaa ho

Hum woh nange jafaa hain
Tum wohi jaane wafaa ho
Hum wohi qaabil sazaa hai
Tum wohi rahme Khuda ho

Charkh badle dahr badle
Tum badalne se wara ho
Ab humein ho(n) sahw haashaa
Aisi bhoolo(n) se judaa ho

Umr bhar to yaad rakkha
Waqt par kya bhoolna ho
Waqte paidaaish na bhoole
Kaifa yansa kyun saza ho

Yeh bhi Maula arz kardu
Bhool agar jaao to kya ho
Woh jo ho tum par giraa(n) hai
Woh ho jo hargiz na chaaho

Woh ho jis ka naam lete
Dushmano(n) ka dil bura ho
Woh ho jis ke rad ki khaatir
Raat din waqfe dua ho

Mar mite(n) barbaad bande
Khana aabaad aag ka ho
Shaad ho iblees maloo(n)
Gham kise is qahr ka ho

Tum ko ho wallah tum ko
Jaano dil tum par fida ho
Tum ko gham se haq bachaye
Gham adoo ko jaa(n) gaza ho

Tum se gham ko kya ta'alluq
Be kaso ke ghamzida ho
Haq durooden tum pe bheje
Tum mudaam us ko saraaho

Woh ata de tum ata lo
Woh wohi chaahe jo chaaho
Kyun Raza mushkil se dariye
Jab Nabi mushkil kusha ho

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel