Ka’aba Ke Dar Ke Saamne 
Maangi Hai Ye Dua Faqat
Haathon Mein Hashar Tak Rahe Daamane Mustafa Faqat

Apnay Karam Se Aye Khuda
Ishqe Rasool Kar Ataa
Aakhri Dum Zubaan Pe Ho
Salle Alaa Sadaa Faqat

Taiba Ki Sair Ko Chalein
Qadmon Mein Unki Jaan De
Dafn Ho Unke Sheher Mein
Hai Yahi Iltija Faqat

Duniya Ki Saari Ne’matein
Meri Nazar Mein Hainch Ho
Rakhne Ko Sar Pe Gar Mile
Na’laine Mustafa Faqat

Munkar Nakeer Qabr Mein
Hum Se Sawaal Jab Kare
Aise Me Wird Hum Rakhein
Aap Ke Naam Ka Faqat

Naz’aa Ke Waqt Jab Meri
Saanson Mein Intishaar Ho
Meri Nazar Ke Saamne
Gumbad Ho Woh Haraa Faqat

Na’ate Rasoole Paak Hai
Nazmi Ka Maqsade Hayaat
Qabr Mein Bhi Labo Pe Ho
Sarkaar Ki Sana Faqat