Kaabe Ke Badrudduja Tum Pe Karodon Durood Lyrics

Kaabe ke badrudduja tum pe karodon durood
Taiba je shamsudduha tum pe karodon durood

Shafa'ae roze jazaa tum pe karodon durood
Daafaye jumla balaa tum pe karodon durood

Jaano dile asfiya tum pe karodon durood
Aabo gile Ambiya tum pe karodon durood

Laaye(n) to yeh doosra do sara jis ko mila
Kushke arsho dana tum pe karodon durood

Aur koi ghaib kya tum se nihaa(n) ho bhala
Jab na Khuda hi chupa tum pe karodon durood

Toor pe jo sham'a tha chand tha saaeer ka
Nayyire faaraa(n) huwa tum pe karodon durood

Dil karo thanda mera woh kafe pa chaand sa
Seene pe rakh do zara tum pe karodon durood

Zaat hui intikhaab wasf huye laajawaab
Naam huwa Mustafa tum pe karodon durood

Ghaayato illat sabab bahre jahaa(n) tum ho sab
Tum se bana tum bina tum pe karodon durood

Tum se jahaa(n) ki hayaat tum se jahaa(n) ka sabaat
Asl se hai zil bandha tum pe karodon durood

Magz ho tum aur post aur hain baahar ke dost
Tum ho daroone sara tum pe karodon durood

Kya hain jo behad hain laus tum to ho gais aur gaus
Cheente mein hoga bhala tum pe karodon durood

Tum ho hafeezo mugees kya hai woh dushman khabees
Tum ho to phir khauf kya tum pe karodon durood

Woh shabe me'raj raaj woh safe mehshar ka taaj
Koi bhi aisa huwa tum pe karodon durood

Jaano jahaane maseeh daad ki dil hai jareeh
Nabze(n) chooti dum chala tum pe karodon durood

Uf woh rahe sang laakh aah yeh pa shaakh shaakh
Aye mere mushkil kusha tum pe karodon durood

Tum se khula baabe jood tum se hai sab ka wujood
Tum se hai sab ki baqaa tum pe karodon durood

Khasta hoon aur tum ma-aaz basta hoon aur tum malaaz
Aage jo shah ki raza tum pe karodon durood

Garche ho behad kusoor tum ho afuwwo ghafoor
Bakhsh do jurmo khata tum pe karodon durood

Mehre Khuda noor noor dil hai siyah din hai door
Shab mein karo chaandna tum pe karodon durood

Tum ho shaheedo baseer aur main gunah par dileer
Khol do chashme hayaa tum pe karodon durood

Cheent tumhari sahar chhoot tumhari qamar
Dil mein racha do ziya tum pe karodon durood

Tum se Khuda ka zuhoor usse tumhara zuhoor
Lim hai yeh woh In huwa tum pe karodon durood

Be hunaro be tameez kis ko huye hai azeez
Ek tumhare siwa tum pe karodon durood

Aas hai koi na paas ek tumhari hai aas
Bas hai yehi aasra tum pe karodon durood

Taa-rame aa'la ka arsh jis kafe pa ka hai farsh
Aankh pe rakh do zara tum pe karodon durood

Kehne ko hai aamo khaas ek tumhi(n) ho khalaas
Band se kar do riha tum pe karodon durood

Tum ho shifaaye maraz khalqe khuda khud garaz
Khalq ki haajat bhi kya tum pe karodon durood

Aah woh raahe siraat bandon ki kitni bisaat
Al madad aye rehnuma tum pe karodon durood

Be adabo bad lihaaz kar na saka kuch hifaaz
Afw pe bhoola raha tum pe karodon durood

Lo tahe daaman ki sham'a jhonko mein hai roze jam'a
Aandhiyon se hashr uthaa tum pe karodon durood

Seena ki hai daag daag keh do kare baag baag
Taiba se aa kar saba tum pe karodon durood

Gesu o qad Laam Alif kar do bala munsarif
La ke tahe taig 'La' tum pe karodon durood

Tum ne ba range falaq jaibe jahaa(n) kar ke shaq
Noor ka tadka kiya tum pe karodon durood

Naubate dar hain falak khaadime dar hain malak
Tum ho jahaa(n) Baadshah tum pe karodon durood

Khilq tumhari jameel khulq tumhara jaleel
Khalq tumhari gada tum pe karodon durood

Taiba ke maahe tamaam jumla rusul ke imaam
Nau shahe mulke khuda tum pe karodon durood

Tum se jahaa(n) ka nizaam tum pe karodon salaam
Tum pe karodon sana tum pe karodon durood

Tum ho jawwaado kareem tum ho raufo raheem
Bheek ho daata ata tum pe karodon durood

Khalq ke haakim ho tum rizq ke qaasim ho tum
Tum se mila jo mila tum pe karodon durood

Naafe'o daafe' ho tum shaafe' o raafe' ho tum
Tum se bas afzoo(n) Khuda tum pe karodon durood

Shaafiyo naafi ho tum kaafiyo waafi ho tum
Dard ko kardo dawa tum pe karodon durood

Jaaye na jab tak ghulaam khuld hai sab par haraam
Milk to hai aap ka tum pe karodon durood

Mazhare haq ho tumhi muzhire haq ho tumhi
Tum mein hai zaahir Khuda tum pe karodon durood

Zor di-he narasaa(n) takya gahe bekasaa(n)
Baadshahe maa waraa tum pe karodon durood 

Barse karam ki bharan phoolen ni'am ke chaman
Aisi chala do hawa tum pe karodon durood

Ik taraf aa'daaye dee(n) ek taraf haasidee(n)
Banda hai tanha shaha tum pe karodon durood

Kyun kahoon bekas hoon main kyun kahoo  bebas hoon main
Tum jo main tum par fida tum pe karodon durood

Gande nikamme kameen mehnge ho(n) kodee ke teen
Kaun humein paalta tum pr karodon durood

Baat na dar ke kahi(n) ghaat na ghar ke kahi(n)
Aise tumhi paalna tum pe karodon durood

Aiso ko ne'mat khilaao doodh ke sharbat pilaao
Aiso(n) ko aisi gizaa tum pe karodon durood

Girne ko hoon rok lo ghota lage haath do
Aison par aisi ata tum pe karodon durood

Apne khatawaaron ko apne hi daaman mein lo
Kaun kare yeh bhala tum pe karodon durood

Kar ke tumhare gunaah maange tumhari panaah
Tum kaho daaman mein aa tum pe karodon durood

Kar do 'adoo ko tabaah haasidon ko roo baraah
Ahle wilaa ka bhala tum pe karodon durood

Hum ne khata mein na ki tum ne ata mein na ki
Koi kami Sarwara tum pe karodon durood

Kaam ghazab ke kiya us pe hai Sarkaar se
Bandon ko chashme raza tum pe karodon durood

Aankh ata kijiye us mei  ziya dijiye
Jalwa kareeb aa gaya tum pe karodon durood

Kaam woh le lijiye tum ko jo raazi kare
Theek ho naame Raza tum pe karodon durood

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel