Hirze Jaan Zikre Shafa'at Kijiye Naat Lyrics

Hirze jaa(n) zikre shafa'at kijiye
Naar se bachne ki soorat kijiye

Unke naqshe paa pe gairat kijiye
Aankh se chup kar ziyaarat kijiye

Unke husne baa malaahat par nisaar
Sheeraye jaa(n) ki halaawat kijiye

Unke dar par jaise ho mit jaaiye
Natawaano kuch to himmat kijiye

Frr deeje panjaye deve laee
Mustafa ke bal pe taaqat kijiye

Doob kar yaade labe shadaab mein
Aabe kauthar ki sabaahat kijiye

Yaade qaamat karte uthiye qabr se
Jaane mehshar par qayaamat kijiye

Unke dar par baithiye ban kar faqeer
Be nawaao fikre sarwat kijiye

Jiska husn Allah ko bhi bhaa gaya
Aise pyaare se muhabbat kijiye

Hayy baaqee jiski karta hai sana
Marte dum tak uski midhat kijiye

Arsh par jiski kamaanen chad gayi
Sadqe us baazoo pe quwwat kijiye

Neem wa Taiba ke phoolon par ho aankh
Bulbulo paase nazaakat kijiye

Sar se girta hai abhi baare gunaah
Kham zara farqe iraadat kijiye

Aankh to uthti nahi kya de(n) jawaab
Hum pe be pursish hi rehmat kijiye

Uzr badtar az gunah ka zikr kya
Be sabab hum par inaayat kijiye

Naa'ra kije Ya Rasoolallah ka
Mufliso saamaane daulat kijiye

Hum tumhare hoke kis ke paas jaaye
Sadqa shehzaadon ka rehmat kijiye

"Man ra aani qad ra al haq" jo kahe
Kya bayaa(n) uski haqeeqat kijiye

Aalime ilme do aalam hain Huzoor
Aapse kya arze haajat kijiye

Aap sultane jahaa(n) hum benawaa
Yaad humko waqte ne'mat kijiye

Tujh se kya kya aye mere Taiba ke chaand
Zulmate gham ki shikaayat kijiye

Dar badar kab tak fire(n) khasta kharaab
Taiba mein madfan inaayat kijiye

Har baras woh qaafilo ki dhoom dhaam
Aah suniye aur gaflat kijiye

Phir palat kar muh na us jaanib kiya
Sach hai aur daa'waye ulfat kijiye

Aqribaa hubbe watan be himmati
Aah kis kis ki shikaayat kijiye

Ab to Aaqa muh dikhane ka nahi
Kis tarah raf-e nadaamat kijiye

Apne haatho khud luta baithe hain ghar
Kis pe daa'waye bizaa'at kijiye

Kis se kahiye kya kiya kya ho gaya
Khud hi apne par malaamat kijiye

Arz ka bhi ab to muh padta nahi
Kya ilaaje darde furqat kijiye

Apni ik meethi nazar ke shehad se
Chaaraye zehre musibat kijiye

De Khuda himmat ki ye jaane hazee
Aap par waaren woh soorat kijiye

Aap hum se badh ke hum par meherbaan
Hum kare jurm aap rehmat kijiye

Jo na bhoola hum ghareebon ko Raza
Yaad uski apni aadat kijiye




© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel