Azmate Mustafa Jaanne Ke Liye Naat Lyrics

Azmate  Mustafa jaanne ke liye
Sidq dil aur fikre Raza chahiye
Qurbate Rab Hai Is Baat Par Munhasir
Dil Ki Dhadkan May Salle Ala Chaiye.

Hum Madine ki galiyon me jaa kar basen
Raat din un ke qadmon me lota karen
Apne Aaqa ka sadqa utaara karen hum Ghulaamon ko bas aur kya chahiye.

Jab haraarat gunaahon ki had se badhe
Mehre roze qayamat saron par chadhe
Aisi naazuk ghadi mein khuda ki qasam
Daamane Mustafa ki hawa chahiye.

Sabz gumbad ki ziyaarat jise mil gayi
Uski qismat ki goya kali khil gayi
Yun Madine ko jaayen ke laute na hum
Ishq kehta he aisi dua chahiye.

Khaandaane Nabi se hai rishta mera
Phir bhi jannat pe mera ijaara nahi
Neko saaleh banoon baa shariyat rahoon
Aap logon ki itni dua chahiye.

Gause aazam ka saaya hai sar par mere
Mujh pe khwaja ki bhi hai nigaahe karam
Shaahe barkat ke dar ka mai darbaan hoon
Mujh ko peeron ki noori ziya chahiye.

Faiz NAZMI ko murshid ke dar se mila
Is ko bhi naat kehne ka fan aa gaya
Par abhi pukhtagi is me aayi nahin
Thodi taaseere kilke Raza chahiye.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel