Arze Jannat Kaun Chahe Arze Taiba Dekh Kar Naat Lyrics

Arze Jannat Kaun Chahe Arze Taiba Dekh kar,
Unka Rauza Dekh kar Kaabe Ka Kaaba Dekh kar.

Ruk Gaye Jibreel Jab Miqat-e-Sidra Dekh kar,
Badhne wale Badh Gaye Qurbat Ka Lamha Dekh kar.

Banke Shamshir-e-Mujassam Ibn-e-Khattab Aaye The,
Apna Sauda Kar Gaye Aaqa Ka Chehra Dekh kar.

Ya Muhammad “Irfa-rasak” Jab Khuda Farmayega,
Jee Uthegi Ummate Mehshar Ka Sajda Dekh kar.

Najdiya Pachtayega Tu Insha Allah Hashr Me,
Mere Daye Hath Me Aamal Naama Dekh kar.

Hazrat-e-Jaabir Ka Imaan Aur Pukhta Ho Gaya,
Sainkdo Hatho Me Barkat Ka Niwala Dekh kar.

Aaya Tha Shaitan Par Maayus Ho kar Chal Diya,
Mere Dil Par Ulfat-e-Ahmed Ka Pehra Dekh kar.

Kaabe Se Poocha Kya Tera Bhi Koi Qibla Hua,
Kaaba Karta Hai Ishara Simt-e-Taibah Dekh kar.

Mujko Jeete Ji Zameen Par Lutf-e-Jannat Mil Gaya,
Unka Mimbar Dekh kar Mehrab-e-Sajda Dekh kar.

Rashq Se Jhoomenge Saare Ambiya Mehshar Ke Din,
Noori Shano Par Shafa’at Ka Doshala Dekh kar.

Mujko Jannat Khud Bulayegi Yahi Ummeed Hai,
Meri Gardan Me Pada Barkaati Patta Dekh kar.

Zaair-e-Raah-e-Madina Tujko Kuch Maaloom Hai,
Rashq Karti Hai Iram Tera Irada Dekh kar.

Sayyed-ush-Shohda Laqab Jin ko Mila Sarkaar Se,
Qudsiyo Ko Rashq Aaye Shaan-e-Hamza Dekh kar.

Naat Goi Nazmi Ne Seekhi Hassaan-ul-Hind Se,
Naat Kehte The Bareli Me Jo Taibah Dekh kar.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel