Arsh Ki Aql Dang Hai Charkh Mein Aasmaan hai

Arsh ki aql dang hai charkh mein aasmaan hai
jaane muraade ab kidhar haaye tera makaan hai

Bazme sanaaye zulf mein meri aroose fikr ko
saari bahaare hasht khuld chota sa itrdaan hai

Arsh pe ja ke murge aql thak ke gira gash aa gaya
aur abhi manzilo(n) pare pehla hi aastaan hai

Arsh pe taaza chedchaad farsh mein turfa dhoomdhaam
kaan jidhar lagaaiye teri hi daastaan hai

Ik tere rukh ki raushni chain hai do jahaan ki
ins ka uns usi se hai jaan ki woh hi jaan hai

Woh jo na the to kuch na tha woh jo na ho(n) to kuch na ho
jaan hain woh jahaan ki jaan hai to jahaan hai

God mein aalame shabaab haale shabaab kuch na pooch
gulbune baaghe noor ki aur hi kuch uthaan hai

Tujh sa siyaahkaar kaun un sa Shafee' hai kahaa(n)
phir woh tujhi ko bhool jaaye(n) dil ye tera gumaan hai

Peshe nazar woh nau bahaar sajde ko dil hai be karaar
rokiye sar ko rokiye haa(n) yahi imtihaan hai

Shaane Khuda na saath de un ke khiraam ka woh baaz
sidra se taa zamee(n) jise narm si ik udhaan hai

Baare jalaal utha liya garche kaleja shaq huwa
Yoon to yeh maahe sabza rang nazro(n) mein dhaan paan hai

Khauf na rakh Raza zara tu to hai Abde Mustafa
tere liye amaan hai tere liye amaan hai

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel