Allah Hi Allah Kiya Dukh Na Kisi Ko Diya Karo Lyrics

Allah hi Allah kiya karo Dukh na kisi ko diya karo
Jo duniya ka Maalik hai Naam usi ka liya karo.
Allah hi Allah Allah hi Allah Allah hi Allah 

Maa ki narazi se tu jannat ko barbaad na kar 
Baap ki na famani se tu Maula ko naraaz na kar 
Uf na kaho unki khidmat me sada labo ko siya karo 
Jo duniya ka Maalik hai Naam usi ka liya karo.

Mo’min ko izaa pohchana kaisa gunah e aazam hai 
Gaali dene geebat karne ka anjaam jahannam hai 
Kalma padte dam akhir ho haq haq kehte jiya karo 
Jo duniya ka Maalik hai Naam usi ka liya karo.

Aleem hai wo khabeer hai rakhta hai kul aalam ki khabar 
Siyahakaro gunah har lamha hai uske pesh e nazar 
Daro hamesha keher o gazab se haya Khuda se kiya karo  
Jo duniya ka Maalik hai Naam usi ka liya karo.
   
Gadagaro bhuko pyaso ki har dum tum imdaad karo 
Bewa yateemo gam ke maro ko har pal tum shaad karo 
Bacho aaah se mazlumo ki kamzoro pe daya karo 

Jinke gulaam hai jin o mala’ik  jin ki gulami me hum sab 
Unki raza Maula ki raza hai unka gazab Maula ka gazab 
Chorro jis se khush na piya ho khush ho jisse piya karo 
Jo duniya ka Maalik hai Naam usi ka liya karo.

Mundao na daadi ko ye Mehboob e Pak ki sunnat hai 
Badhao na mucho ko is me dono jaha ki zillat hai 
Nabi ki Sunnat saja ke apne chehre ko pur ziya karo 
Jo duniya ka Maalik hai Naam usi ka liya karo.

Bande apne khalik o Maalik ke mukhlis tum banjao 
Aur dikhawe ke daldal me girne se tum bach jao 
Momino tum aamaal me apne dikhawa aur na riya karo 
Jo duniya ka Maalik hai Naam usi ka liya karo.

Tumhe khuda ne deen diya Qur'an diya Imaan diya 
Roza Namaz aur Haj o Zaka'at tum par hai ehsaan kiya 
Deen pe jab jab aafat aaye jaam e shahadat piya karo
Jo duniya ka Maalik hai Naam usi ka liya karo.
  
Unke Noori jalwo se Rab ne chamkaye ye aalam 
Khushbo se zulfo se unki mehkaye hai ye aalam 
Unke pyar ka har dum ZAHID dilme raushan diya karo
Jo duniya ka Maalik hai Naam usi ka liya karo.


© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel