Allah Bohot Bada Hai Hamd Lyrics

Allah bohot bada hai
Allah bohot bada hai

Adam ko aasmaa se dharti pe laane wala
Isa ko aasmaa par zinda uthane wala
Har cheez par hai qaadir
Har shai ka woh khuda hai.

Yunus Nabi ko machli ke pet me giza de
Yusuf kare ghulami phir badshah bana de
Firoun ke mehal me
Moosa ko paalta hai

Siddique ki sadaqat Farooq ki adalat
Usman ki sakhawat Haidar ki woh shuja'at
Faizane Mustafa hai
Allah Ki ata hai

Bu Bakr ko banaya aisa wafa ka paikar
Sar rakh ke goad me woh soye huwe payambar
Aedi nahi hilata
jab saanp kaat ta hai.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel