Ajab Rang Par Hai Bahaare Madina Naat Lyrics

Sarkar ka Madina Sarkar ka Madina                                                             
Sarkar ka Madina Sarkar ka Madina 

Ajab rang par hai bahaare Madina,
Ki sab jannate hai nisaare Madina,    
                                                       
Suhaana suhaana dulaara Madina                                                            
Har aashiq ki aankho ka taara Madina                                                           
Pahado pe di Husn Kaate bhi dil kash                                                                 
Hai Qudrat ne kaisa sawaara Madina

Khula Hai Sabhi Ke Liye Baab e Rehmat,                                                           
Wahan Koi Rutbe Me Adna Na Aali
Muraado Se Daaman Nahi Koi Khaali,
Qataare Lagaye Khade Hai Sawaali

Mein Pehle Pehel Jab Madine Gaya Tha,                                                                  
 To Thi Dil Ki Halat Tadap Jaane Waali,
Wo Darbaar Sach Much Mere Samne Tha,                                                                  
Abhi Tak Tasawwur Tha Jis Ka Khayaali

Mai Ek Haath Se Dil Sambhale Huye Tha,                                                                  
To Thi Doosre Haath me unki Jaali,
Dua Ke Liye Haath Uthte To Kaise                                                               
Na Yeh Haath Khaali Na Woh Haath Khaali

Jo Poocha Kisi Ne Ke Tum Nazr Karne                                                               
Ko Kya Le Gaya Tha To Tafseel Sun Lo,
Tha Naaton Ka Ek Haar Ashkon Ke Moti,
Duroodon Ka Gajra, Salaamon Ki Daali

Yahaan pyaara Kaaba, Wahaan Sabz Gumbad
Ye Makkah bhi meetha to pyaara Madina                                                            
Khuda gar qayamat me farmaye maango                                                 
lagaayenge  deewane naara Madina

Rage gul ki jab naazuki dekhta hoon
Mujhe yaad aate hai khaar-e-Madina                                                             
Muraade dil bulbule be nawaa de
Khudaya dikha de bahaare Madina

Jidhar dekhiye baage jannat khula hai
Nazar may hai naqsh o nigaar e Madina                                                         
Sharaf jinse haasil hua Ambiya ko
Wahi hai Hassan iftekhaar e Madina.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel