Aaqa Ko Pukaar Bande Naat Lyrics

Aaqa ko pukaar bande,
Aaqa ko pukaar
Insha’Allah ho jayega tera beda paar


Un ke haath main kul-kunji hai
Rab ne unhe Mukhtar kiya
Ham ko Un ka mangta banaya
aur Unhe Sarkaar kiya
Jo Sarkar ke dar ka gada hai,
wo khud hai Mukhtar

Kya kehna darbar e Nabi  ka,
uski shaan aali hai
Hargiz na mehroom wo lauta
us dar ka jo sawali hai
Aao chale aab suye Madina,
chorr ke sab gharbaar.


Summa dana fatadalla ka
mansab Sarkaar ko hasil hai
Pohoch na paya koi us jaah,
jo sarkaar ki manzil hai
Asraa ki shab udnu minni
Rab ki thi pukaar.

Aala Hazrat ne yaro ye
sabaq hume sikhla hai
Jo gustakh-e-khuda o Nabi hai
apna nahi wo paraya hai
Ha aaise gustakhon par
Moula ki hai phatkaar


Kyu gham-geen hai tu ay Sayyed
dar par wo bulwaenge
Ranj-o-gham sab door karainge
soye bhaag jagayaenge 
Aur bhi koi Unke siwa hai
dukhiyo ka gham khaar

Apni to pehchan yahi hai
apni to hai shaan yahi
Daman me Kuch aur nahi hai
dil me hai armaan yahi
Itni padu mai unki naate
raazi ho Sarkaar

Yade Nabi me tu aye Rizwan
unki midhat karta ja
Dewaano ke dil bhar aaye
jhoom ke naate padta ja
Jaldi Madine jayega tu
lagte hai aasar

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel