Humare Hai Rehbar Hussain Ibne Haidar Lyrics

Humare hai Rehbar HUSSAIN Ibne Haidar
Sadaqat ke paikar HUSSAIN Ibne Haidar

Kiya jiski khatir taveel apna sajda
Wo Sibte Payambar HUSSAIN Ibne Haidar

Lahu se kiya jisne islam zinda
Ali ka wo dilbar HUSSAIN Ibne Haidar

Rahega hame yaad har dum tumhari
Shahadat ka manzar HUSSAIN Ibne Haidar

Ke barso se tum oodh kar so rahe ho
Tahammul ki chadar HUSSAIN Ibne Haidar

Jalaya hai maine bhi shamme muhabbat
Mere dil ke andar HUSSAIN Ibne Haidar

Kiya aapka zikr maine to mera
Hua dil munawwar HUSSAIN Ibne Haidar

Tumhare hi dum se fiza lag rahi hai
Mu'attar Mu'attar HUSSAIN Ibne Haidar

Mujhe bhi ata kardo nisbat tumhari
Banalo sag e dar HUSSAIN Ibne Haidar

Tumhare hi sadqe me mehshar me humko
Mile jaam e Kausar HUSSAIN Ibne Haidar

Tumhari hi kashti panagaahe SHAKIR
Tumhi mere yaawar HUSSAIN Ibne Haidar.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel