Tere Naam Pe Waaru Jaan Lyrics

Tere naam pe waaru jaan Ya Rasoolallah
Ye naara pyara lagta,
ye naara pyara lagta hai
ye naara pyara lagta hai
Har mehfil me ye sajta hai
Mere maslak ki pehchan Ya Rasoolallah
Tere naam pe waaru jaan Ya Rasoolallah


Lo jhoom ke naam Muhammad ka
Ye naam suhana lagta hai
Is naam se raunaq hoti hai 
Purnoor zamaana lagta hai
Hai dil ki ziya aankhon ki chamak
Is naam me hai kuch aisi mahak
Imaan ko mu'attar kar jaye
Khushboo ka khazana lagta hai

Jo arsh pe Ahmed kehlaye
Wo zaate Muhammad hai beshak
Mehmood aur Haamid mere Nabi
Hasnain ka naana lagta hai

Ye naam waseela bakshish ka
La raib zariya barkat ka
Wo khulqe azeem Allah Allah
Jo sabse yagana lagta hai

Taha bhi wahi Yaseen bhi wahi
Wo Bashir-o-Nazeer hai salle ala
Barkat ka khazina Naam e Nabi
Har roz shabana lagta hai

Naato ki sajate hai mehfil
Padhte hai salaamo ke nagme
Jab jab bhi liya hai Naame Nabi
Kya khoob tarana lagta hai

Kya wasf likhe Rizwan unka
Hai jinka khuda khud madha sara
Kuch husne amal to paas nahi
Bas unka deewana lagta hai

Tere naam pe waaru jaan ya Rasoolallah
Ye naara pyara lagta,ye naara pyara lagta hai
Har mehfil me ye sajta hai
Mere maslak ki pechan ya Rasoolallah
Tere naam pe waaru jaan ya Rasoolallah

(Sallallahu alaihi wa sallam)

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel