Kuch Aisa Kar De Mere Lyrics

Kuch Aisa Kar de Mere Kirdgaar Aankhon me
Hamesha Naqsh Rahe Roo-e-Yaar Aankhon me

Tumhaare Qadmo pe moti nisaar hone ko
Hain be shumaar meri Ashkbaar Aankhon me

Unhe na dekha to kis kaam ki ye Aankhen
Ke Dekhne ki hai saari Bahaar Ankhon me

Nazar me Kaise samaayege phool Jannat ke
Ke bas chuke he Madine ki Khaar Aankhon me

Khule hain deeda-e-Ushaaq Khwaabe marg me bhi
Ke Us Nigaar ka hai intizaar Aankhon me

Wo Subz Subz Nazar Aa raha hai Ghumbad-e-Subz
Qaraar Aa gaya yoo be Qaraar Aankhon me

Wahi mujhe Nazar aaye Jidhar Nigah Karu
Unhi Ka Jalwa rahe Aash kaar Aankhon me

Ye Dil Tarap Ke Kahee Aankhon me Na Aa jaaye
Ke Phir Rahaa he kissi ka Mazaar Aankhon me

Karam ye mujh pe kiya he mere tassawur ne
Ke Aaj khinch di Tasweer-e-Yaar Aankhon me

Farishto Poochte ho mujh se ke kis ki Ummat ho
Lo Dekh lo ye hai tasweer-e-Yaar Aankhon me

Ye Kya sawaal hai mujh se ke kis ka banda hai
Me jis ka banda hoo hai Noor Baar Aankhon me

Piyaa he Jaam-e-Muhabbat jo Aap ne NOORI
Hamesha Us ka rahega Khumaar Aankhon me

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel