Habeeb-e-Khuda Ka Nazara Karu Main Lyrics

Habeeb-e-Khuda ka nazara karoon main
Dilo jaan un par nisaaraa karoon main


Mujhe apni rehmat se to apna karle
Siwa Tere sab se kinaaraa karoon main
 
Mein kyun ghair ki thokare khane jawoon
Tere Dar se apna guzaaraa karoon main

Khudara ab aawo ke dam hain labo par
Dame wapasi to nazaara karoon main

Tere Naam par sar ko qurbaan kar ke
Tere sar se Sadqe utaara karoon main

Yeh ek Jaan kya hai agar ho karodo
Tere Naam par sab ko waaraa karoon main

Tera Zikr lab par khuda dil ke andar
Yunhi zindagani guzaaraa karoon main

Dame wapasi tak tere geet gaoon
Muhammad Mumajjad pukaaraa karoon main

Tere dar ke hote kahan jawoon pyare
Kahan apna daaman pasaaraa karoon main

Mera Deen-o-Imaan Farishte jo pooche
Tumhari hi jaanib ishaaraa karoon main

Khudaa aisi Quwwat de mere qalam me
Ke Bad-Mazhabon ko sudhaaraa karoon main

Khudaa khair se laye woh din bhi Noori
Madine ki galiyan bohaaraa karoon main

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel