Chaayaa Hai Kaif Dil Par Lyrics

Chaayaa Hai Kaif Dil Par Qadmon Me Baith Kar
Hai Auj Par Muqaddar Qadmon Me Baith Kar

Khushboo e Mustafa Sey ‘Aalam Mehak Raha Hai
Main Bhi Huwa Mu’attar Qadmon Me Baith Kar

Taskeen e Qalb Mujh Ko Phir Sey Huwi Hai Haasil
Roodaad e Gham Sunaa Kar Qadmon Me Baith Kar

Kya Ab Bhi Meyre Rab Ka Mujh Par Karam Na Hoga
Phailey Hain Haath Dar Par Qadmon Me Baith Kar

Taiba Me Rehmaton Ki Baarish Baras Rahi Hai
Deykha Hai Pyaara Manzar Qadmon Me Baith Kar

Ghaus o Raza Key Sadqey Khwaaja Piya Key Sadqey
Iftaar Hai Mayassar Qadmon Me Baith Kar

Noor e Nabi Se ‘Aalam Roshan Huwa Hai Shakir
Dil Bhi Huwa Munawwar Qadmon Me Baith Kar

Sultan e Do Jahan Ka Tujh Par Karam Hai Shakir
Aankhain Huwi Hain Phir Tar Qadmon Me Baith Kar

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel