Woh Suye Lalazaar Phirte Hain Lyrics

Woh suye lalazaar phirte hain
Tere din aye bahaar phirte hain

Jo tere dar se yaar phirte hain
Dar ba dar yun hi khwaar phirte hain

Aah kal aish to kiye hum ne
Aaj woh be karaar phirte hain

Unke imaan se dono(n) baagho(n) par
Khaile lailo nahaar phirte hain

Har charaghe mazaar par qudsi
Kaise parwana waar phirte hain

Us gali ka gada hoon main jisme
Maangte tajdaar phirte hain

Jaan hain jaan kya nazar aaye
Kyun adu girde gaar phirte hain

Phool kya dekhu meri aankhon mein
Dashte Taiba ke khaar phirte hain

Laakhon qudsi hain kaame khidmat par
Laakhon girde mazaar phirte hain

Wardiyaa(n) bolte hain harkaare
Pehra dete sawaar phirte hai

Rakhiye jaise hain khanazaad hain hum
Mol ke aibdaar phirte hain

Haaye gaafil woh kya jagah hai jaha(n)
Paanch jaate hain chaar phirte hain

Baaye raste na ja musaafir sun
Maal hai raah-maar phorte hain

Jaag sunsaan ban hai raat aayi
Gurg bahre shikaar phirte hain

Nafs ye koi chaal hai zaalim
Jaise khaase bijaar phirte hain

Koi kyun pooche teri baat Raza
Tujhse kutte hazaar phirte hain

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel