Tum Pe Qurbaan Bulaane Waale Lyrics

Tum Pe Qurbaan Bulaane Waale
Bakhte Khufta Ko Jagaane Waale

Naar e Dozakh Ka Nahin Khauf Mujhe
Woh Salaamat Hai Bachaane Waale

Koi Pooche Yaa Na Pooche Mujhko
Shaah e Taiba Hai Nibhaane Waale

Garmi - e - Hashr Se Ghabraaye Kyun
Woh Hai Daaman Mein Chupaane Waale

Tere Sadqe Me Meyri Baat Bani
Khoty Sikke Ke Chalaane Waale

Kaif Jannat Ka Milaa Dar Pe Tere
Kyaari Jannat Ki Dikhaane Waale

De Ke Lena Nahi Aadat Teri
Mujhko Jannat Me Bithaane Waale

Hai Mareezon Ki Shifaa Na’at e Nabi
Woh He Burdah Ke Urhaane Waale

Sharbat e Deed Pilaado Aaqa
Jaam e Kausar Ke Pilaane Waale

Ilm e Naaf’i Ki Mile Bheek Mujhe
Rab Ki Ne’mat Ke Lutaane Waale

Hogayi Qabr Munawwar Meri
Rukh e Anwar Ke Dikhaane Waale

Ho gayi Phir Se Mayassar Chowkhat
Mujhko Qadmon Me Bithaane Waale

Ban Gaye Mere Yahaan Bigde Kaam
Tum Ho Roton Ko Hansaane Waale

Kufr Kaafir Se Chutaa Mulk e Hijaaz
Sham’e Tauheed Jilaane Waale

Phir Chalaa Hoon Main Watan Ki Jaanib
Jald Bulwaana Bulaane Waale

Shakir e Razvi Pe Hai Khaas Karam
Kehte Hai Ab To Zamaane Waale

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel