Shahe Deen Ki Milad Ka Hai Mahina Lyrics

Shahe Deen Ki Milad Ka Hai Mahina
Nibhaaya Mujhe Aur Bulaaya Madina
Rahe Mujh Pe Rehmat Ka Aaqa Tasalsul
Talab Ka Nahin Mujh Me Daata Qareena

Mubarak Ho Yaum e Wiladat Mubarak
Gulaamon Ki Jaanib Se Aaqa Mubarak
Khudaara ‘Ataa Ho Hame Bhi To ‘Eidee
Mile Hum Ko Shah Ki Taraf Se Mubarak

Nigah e Karam Mujh Pe Aaqa Ne Daali
Dikhayi Mujhe Apne Rouze Ki Jaali
Mere Dil Ke Armaan Bhi Poore Karenge
Nahin Lauta Is Dar Se Koi Bhi Khaali

Mili Itni Rif’at Ke ‘Arsh e Bareen Par
Nishaan e Qadam Hai Ye Uss Ki Jabeen Par
Me Baitha Hoon Qadmon Me Ab To Khudaara
Pade Naqsh e Paa Mere Dil Ki Zameen Par

Khada Hai Hawaadis Me Shakir Tumhaara
Bajuz Aap Ke Ab Nahin Hai Sahaara
Mite Ranj o Gham Ke Hain Jitne Bhi Baadal
Karam Ka Kare Ab Khudaara Ishaara

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel