Mera Khwaja Mahan hai Lyrics

Hafize Qur'an hai
aashiqon ki jaan hai
Hind ka Sultan hai
mera Khwaja mahan hai

Sultan-e-Hind Qutb-e-Mashaaikh mera Khwaja
Khwaja e Khwajgan hai mairukh mera Khwaja
Kya Shah kya gada hai sabhi unke bhikari
Bharta hai jholiyan yaha sabki mera Khwaja

Mera Khwaja mahan hai....

Meri anaa fanaa ho kuch aisa karam karo
Sagar muhabbato ka mere dil me tum bharo
Hubbe Rasoole Paak se seena Madina ho
Khwaja karam karo mere Khwaja karam Karo

Mera Khwaja mahan hai.....

Aalam me Sunni Dawate Islami aam ho
Is par nigah teri Shaha subho shaam ho
Karte rahe khuloos se hum deen ki khidmat
Dono jahan me apna bhi izzat Maqaam ho

Mera Khwaja mahan hai.....

Maula Ali ki shaan Shuja'at ka waasta
Aur Faatima ki Chaadar e Iffat ka waasta
Hasnain ke sadqe me meri bigdi banado
Tumko Rasoole Paak ki Rehmat ka waasta

Mera Khwaja mahan hai.....

Rizwan tumhare dar ka gada hai mere Khwaja
Shakir bhi aaj mehwe Dua hai mere Khwaja
Dedo karam ki bheek me Taiba ki bahare
Sabko Madina tum se mila hai mere Khwaja

Mera Khwaja mahan hai.....

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel