Kharab Haal Kiya Dil Ko Naat Lyrics

Kharab haal kiya dil ko pur malaal kiya
Tumhare kooche se rukhsat kiya nihaal kiya

Na ruye gul abhi dekha na buye gul soonghi
Kaza ne laake qafas mein shikasta baal kiya

Woh dil ki khoo(n) shuda armaan the jis mein mal dala
Fugaa(n) ki gore shaheeda(n) ko paayemaal kiya

Ye rai kya thi waha se palatne ki aye nafs
Sitamgar ulti choori se hume halaal kiya

Ye kab ki mujhse adawat thi tujhko aye zaalim
Chchuda ke sange dare paak sar wabaal kiya

Chaman se phenk diya aashiyaan e bulbul
Ujada khanaye bekar bada kamaal kiya

Tera sitamzada aankhon ne kya bigada tha
Ye kya samayi ki door in se woh jamaal kiya

Huzoor unke khayale watan mitana tha
Hum aap mit gaye achcha faraagh baal kiya

Na ghar ka rakha na us dar ka haaye nakaami
Humari bebasi par bhi na khuch khayal kiya

Jo dil ne mar ke jalaya tha mannato ka charaag
Sitam ki arz rahe sar sare zawaal kiya

Madina chchod ke viraana hind ka paaya
Ye kaisa haaye hawaaso(n) ne ikhtilaal kiya

Tu jis ke waaste chchod aaya Taiba sa mehboob
Bata to us sitam aara ne kya nihaal kiya

Abhi abhi to chaman me the chahchahe nagaah
Ye dard kaisa utha jis ne jee nidhaal kiya

Ilahi sunle Raza jeete jee ki Maula ne
Sagaane koocha mein chehra mera bahaal kiya

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel