Karam Hi Karam Hai Karam Hi Karam Hai Lyrics

Karam Hi Karam Hai Karam Hi Karam Hai
Karam Hi Ke Sadqey Se Qaayam Bharam Hai

Mere Dil Shikasta Ki Aahain Suno Tum
Tumhare Hi Rab Ki Tumhein Ab Qasam Hai

Baras Jaayain Chitain Mite Dil Ke Dhabbe
Tumhare Tasarruf Me Abr e Karam Hai

Kahoon Kis Se Jaa Kar Main Gham Ki Kahaani
Mere Roobaroo Aap Hi Ka Haram Hai

Mujhe Apne Dar Par Bulaate Hi Rehna
Tumhaari Hi ‘Aadat To Jood o Karam Hai

Gunaahon Me Dooba Hai Shakir Bechaara
Nibhaate Ho Phir Bhi Yeh Shaan e Karam Hai

Shafa’at Ka Saa-il Hai Shakir Tumhara
Siwa Kaun Tere Shafee’ e Umam Hai

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel