Hain karam Aap ka Sarkaar lyrics

Hai Karam Aap Ka Sarkaar Rasool e ‘Arabi
Phir Dikhaaya Mujhe Darbaar Rasool e ‘Arabi

Aise ‘Aasee Ko Banaaya Madine Ka Mehmaan
Jo Hai Sartaapa Khataakaar Rasool e ‘Arabi

Bhardo Aaqa Mere Aaqa Meri Jholi Bhardo
Main Bhi Hoon Haazir e Darbaar Rasool e ‘Arabi

Sadqa Hasnain Ka Dedo Mere Aaqa Mujh Ko
Main Karam Ka Hoon Talabgaar Rasool e ‘Arabi

Waasta Pyaare Raza Ka Tumhe Detaa Hoon Shahaa
Apna Kehdo Sag e Darbaar Rasool e ‘Arabi

Arz e Shakir Mere Aaqa Hai Yeh Waqt e Rukhsat
Phir Dikhaana Mujhe Darbaar Rasool e ‘Arabi

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel