Guzre Jis Raah Se Woh Naat Lyrics

Guzre jis raah se woh Sayyide wala hokar
Reh gayi saari zamee(n) ambare saara hokar

Rukhe anwar ki tajalli jo qamar ne dekhi
Reh gaya bosa dahe nakshe kafe pa hokar

Waye mehroomiye qismat ki main phir ab ki baras
Reh gaya hum-rahe zawware Madina hokar

Chamane Taiba hai woh baagh ki murge sidra
Barso chahke hain jaha bulbule shaida hokar

Sar-sare dashte Madina ka magar aaya khayaal
Rashke gulshan jo bana gunchaye dil waa hokar

Goshe shah kehte hain fariyaad rasi ko hum hain
Wa'daye chashm hai bakhshaenge goya hokar

Paaye shah pe gire ya rab tapushe mehar se jab
Dil betab ude hashr mein para hokar

Hai ye ummeed Raza ko teri rehmat se shaha
Na go zindaaniye dozakh tera banda hokar

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel