Gham Ho Gaye Beshumar Aaqa Naat Lyrics


Gham ho gaye beshumar Aaqa
Banda tere nisaar Aaqa

Bigda jaata hai khel ye mera
Aaqa Aaqa sawaar Aaqa

Manjhdaar pe aake naav tooti
De haath ki hu main paar Aaqa

Tooti jaati hai peeth ye meri
Lillah ye bojh utaar Aaqa

Majboor hai hum to fikr kya hai
Tumko to hai ikhtiyaar Aaqa

Main door hu tum to ho mere paas
Sun lo meri pukaar Aaqa

Mujhsa koi ghamzada na hoga
Tumsa nahi gham gusaar Aaqa

Girdaab me padh gayi hai kashti
Dooba dooba, utaar Aaqa

Tum woh ki karam ko naaz tum se
Main woh ki badi ko aar Aaqa

Phir muh na pade kabhi khaza ka
De de aisi bahaar Aaqa

Jiski marzi khuda na taale
Mera hai woh naamdaar aaqa

Hai mulke khuda pe jis ka qabza
Mera hai woh kaamgaar Aaqa

Soya kiye nabakaar bande
Roya kiye zaar zaar Aaqa

Kya bhool hai inke hote kehlaaye
Duniya ke ye tajdaar Aaqa

Unke adna gada pe mit jaaye
Aise aise hazaar Aaqa.

Be abre karam ke mere dhabbe
La tagsilul bihaar Aaqa

Itni rehmat Raza pe kar lo
La taqrubuhul bawaar Aaqa.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel