Daagh e Furqat e Taiba Naat Lyrics


Daagh-e-furqate Taiba qalb muzmahil jaata
Kaash Gumbade khazraa dekhne ko mil jaata

Mera dam nikal jaata unke aastane par
Unke aastaane ki khaak mai mein mil jaata

Mere dil se dhul jaata daaghe furqate taiba
Taiba mai fanaa ho kar taiba mai hi mil jaata

Maut le ke aa jaati zindagi madine mein
Maut se gale mil kar zindagi mein mil jaata

Khuld zaare taiba ka is tarha safar hota
Peeche peeche sar jaata aage aage dil jaata

Dil pe jab kiran parti unke sabz gumbad ki
Uski sabz rangat se baagh ban ke khil jaata

Furqate madina ne woh diye mujhe sadme
Koh par agar padte koh bhi to hil jaata

Dil pe woh qadam rakhte naqshe paa yeh dil banta
Yaa to khaak-e-paa ban kar paa se muttasil jaata

Un ke dar pe Akhtar ki hasratein hui poori
Saaile dare aqdas kaise munfa`il jaata

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel