Tum Pe Sau Jaan Se Qurbaan Ya Rasoolallah Naat Lyrics

Mera Dil Aur Meri Jaan Ya Rasoolallah
Tum Pe Sau Jaan Se Qurbaan Ya Rasoolallah

Fida Hai Tum Pe Meri Jaan Ya Rasoolallah
Tum hi  Ho Deen Aur Imaan Ya Rasoolallah

Tumhari Naat Ke Sadqe Me Sarware Aalam
Mili Hai Mujh Ko Ye Pehchan Ya Rasoolallah

Meri Majaal Hi Kya Mai Tumhari Naat Likhu
Tumhari Madha Hai Qur'an Ya Rasoolallah

Mataa- E -Deen Bhi Duniya Bhi Hum Ko Tum Se Mili
Mila Hai Tumse Hi Rehman Ya Rasoolallah

Liya Hai Aapne Daaman Me Mujh Se Aasi Ko
Bahot Bada Hai Ye Ehsaan Ya Rasoolallah

Kise Sunau Mai Sarkaar Dastane Alam
Tumhi Ho Dard Ke Darmaan Ya Rasoolallah

Tumhare Rauza E Anwar Ki Shaan Kya Kehna
Hai Jibraeel Bhi Darbaan Ya Rasoolallah

Khuda Ki Khalq Me Khulqe Azeem Tum Jaisa
Nahi Hai Doosra Insaan Ya Rasoolallah 
 
Nahi Hai Ahsanu Minka Koi Zamane Me
Ye Bole Hazrate Hassan Ya Rasoolallah

Bulao Jald Madine Me Dil Tadapta Hai
Madina Dekh Le Rizwan Ya Rasoolallah

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel