Al Amaan Kahar Hai Aye Gaus Lyrics



Al amaa(n) kahar hai aye Gaus woh teekha tera
Mar ke bhi chain se sota nahi mara tera

Badalo se kahi rukti hai kadakti bijli
Dhaale chat jaati hai uthta hai jo taiga tera

Aqs ka dekh ke muh aur bifar jaata hai
Char aayina ke bal ka nahi neza tera

Koh sarmukh ho to ek waar me do parkaale
Haath padta hi nahi bhool ke ocha tera

Is pe ye qahar ki ab chand mukhalif tere
Chahte hai ki ghata de kahi paya tera

Aql hoti to khuda se na ladayi lete
Ye ghataye use manzoor badhana tera

Warafana laka zikrak ka hai saaya tujh par
Bolbala hai tera zikr hai uncha tera

Mit gaye mit te hai mit jayege aa’da tere
Na mita hai na mitega kabhi charcha tera

Tu ghataye se kisi ke na ghata hai na ghate
Jab badhaye tujhe Allah Ta’ala tera

Summe qaatil hai khuda ki qasam un ka inkaar
Munkire fazle Huzoor aah ye likkha tera

Mere sayyaaf ke khanjar se tujhe baak nahi
Cheer kar dekhe koi aah kaleja tera

Ibne Zahra se tere dil me hain ye zahar bhare
Bal be o munkire bebaak ye Zahra tera

Baaze ash-hab ki ghulami se ye aankhen firni
Dekh ud jaayega Imaan ka tota tera

Shakh par baith ke jad kaatne ki fikr me hai
Kahi niche na dikhaye tujhe shajra tera

Haq se bad ho ke zamane ka bhala banta hai
Are main khoob samajhta hu muamma tera

Sage dar qahar se dekhe to bikharta hai abhi
Band bande badan aye rubahe dunya tera

Garaz Aaqa se karu arz ki teri hai panah
Banda majboor hai khaatir pe hai pehra tera

Hukm nafiz hai tera khama tera saif teri
Dum me jo chahe kare daur hai shaha tera

Jisko lalkaar de aata ho to ulta fir jaaye
Jis ko chumkaar le hir fir ke woh tera tera

Kunjiyan dil ki khuda ne tujhe di aisi kar
Ki ye seena ho muhabbat ka khazeena tera

Dil pe kanda ho tera naam ki woh duzde rajeem
Ulte hi paao fire dekh ke tugra tera

Dhoop mehshar ki woh jaa(n)-soz qiyamat hai magar
Mutmain hun ki mere sar pe hai palla tera

Bahjat us sir ki hai jo ‘bahjatul asraar’ mein hai
Ki falak-waar mureedo pe hai saaya tera

Aye Raza chist gham ar jumla jahaa(n) dushmane tust
Karda am ma mane khud qiblaye hajaate  ra.

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel