Ahle Siraat Roohe Ameen ko Khabar Kare(n) Lyrics

Ahle siraat roohe ameen ko khabar kare(n)
Jaati hai ummate Nabavi karam kare(n)

In fitnahaaye hashr se kehdo hazar kare(n)
Naazo ke paale aate hain rah se guzar kare(n)

Bad hain to aap ke hain bhale hain to aap ke
Tukdon se to yahan ke pale rukh kidhar kare(n)

Sarkaar hum kameeno(n) ke atwaar par na jaaye(n)
Aaqa Huzoor apne karam par nazar kare(n)

Unki haram ki khaar kasheeda hain kis liye
Aankhon mein aaye(n) sar pe rahe(n) dil mein ghar kare(n)

Jaalo(n) pe jaal pad gaye lillah waqt hai
Mushkil kushayi aap ke nakhoon agar kare(n)

Manzil kadi hai shaane tabassum karam kare
Taaro(n) ki chaau(n) noor ke tadke safar kare(n)

Kilke Raza hai khanjare khookhaar barqbaar
Aa'da se keh do khair manaye(n) na shar kare(n)

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel