Jo Koi Gham Sataye To Madina Yaad Kar Lena Lyrics

Jo Koi Gham Sataye To Madina Yaad Kar lena
Na Dil Ko Chain Aaye To Madina Yaad Kar Lena

Sahara Be Saharo Ka Madawa Gham Ke Maaro Ka
Na Koi Kaam Aaye To Madina Yaad Kar lena

Umooman Zindagi Me Dukh Ke Din bhi Aa Hi jaafe Hai
Kabhi Lamhe Ye Aaye To Madina Yaad Kar Lena

Suna Hai Mushkilo Me Saath Koi Bhi Nahi chalta
Zamana Chchod Jaaye To Madina Yaad Kar Lena

Kabhi Ashko Ki Boli Bhi Khamoshi Me Badal Jaaye
Aur Dil Aansoo Bahaye To Madina Yaad Kar Lena

Hawaye Bhi Mukhalif Ho Ho Dariya Me Bhi Tugyani
Aur Kashti Doob Jaaye To Madina Yaad Kar Lena

Kabhi Jo Saas Bhikhri Ho Kabhi Dhadkan Jo Uljhi Ho
Na Dil Bhi Jo Sambhal Paaye Madina Yaad Karlena

Musibat Me To Har Koi Unhi Ko Yaad Karta Hai
Khushi Ahmed Jo Aaye To Madina Yaad Kar Lena

Chaman Chaman Ki Dilkashi Gulo Ki Hai Wo Taazagi Lyrics

Chaman Chaman ki dilkashi Gulo ki hai wo taazagi
Hai chand jin se shabnami Wo kehkasha ki roshni
Hawaawon ki wo Ragini Fazaawon ki wo nagmagi
Hai kitna pyaara naam bhi
Nabi Nabi Nabi Nabi.

Ye aamade bahaar Wo noor ki kataar hai
Fazaa bhi kush gawaar hai Havaa bhi muskbaar hai
Havaa se maine jab kahaa Ye kaun aa gaya bataa
Havaa pukarti chalin
Nabi, Nabi, Nabi, Nabi,

Zamee baney zamaan bane Maki bane makah bane
Chuni bane chuna bane Wo waj hai kun fakaa bane
Kahaa hai maine eh khuda Ye kis ke sadqe mein banaa
To rab ne bhi kahaa yahin
Nabi Nabi Nabi Nabi,

Wo husne laa zawal hai Wo ishque be misaal hai
Wo charkh ka hilal hai Nabi ka wo bilal hai
Badan sulaghti rait par ke tharthara ute hajar
Zabaan pai taa magar yahi
Nabi Nabi Nabi Nabi,

Chale jo qatl ko umar kahaa kisi ney roke kar
Kahaa chaley aur kidar Manaj kyun hai arsh par
Zarra behen ki lo khabar Fidah hai wo Rasul par
Wo kehrahi hai har ghari
Nabi Nabi Nabi Nabi,

Umar chale behen ke ghar Ye dil me soch soch kar
Urayenge hum un ka sar Jo hai nabi key deen par
Sunaa hai jab Qur’an ko Khuda key us bayaan ko
Umar ne bhi kahaan yahi
Nabi Nabi Nabi Nabi,

Wo ishque ka usul tha Wo sunniyat ka phool tha
Wo ehsa bsusul tha Key aashique rasul tha
Raza se meine jab kahaa Yeh shaan kis ne kee ataa
Raza ne bhi kahaa yahin
Nabi Nabi Nabi Nabi,

Raza ka ye payaam hai wazifa ye tamaam hai
Wahi to nayk naam hai Nabi ka jo gulaam hai
Jo Aashiq e Nabi hua  Khuda ka wo wali hua
Wahi hua hai jannnati
Nabi Nabi Nabi Nabi,

Zamee Falak Maho Akhtar Husain Wale Hai Lyrics

Zamee Falak Maho Akhtar Husain Wale Hai
Ye Kainaat Ke Manzar Husain Wale Hai


Hawa Se Keh Do Wo Ajaye Andhiya Lekar
Mere Chirag Ke Tewar Husain Wale Hai


Kata To Sakte Hai Lekin Jhuka Nahi Sakte
Hamare Jism Pe Ye Sar Husain Wale Hai


Tum Apni Kasrate Taadat Pe Na Itraao
Suno Hamare Bahattar Husain Wale Hai


Husainiyon Ko Pilayenge Jaam Kausar Ka
Huzoor Saahibe Kausar Husain Wale Hai


Raza o Hamid o Noori Mufassir e Azam
Hamare Hazrat E Akhtar Husain Wale Hai

Yeh Baat Kis Kadar Haseen Jo Keh Gaye Moinuddin Lyrics

Yeh Baat Kis Kadar Haseen Jo Keh Gaye Moinuddin
Ke Deen Ki Panah Hussain Hai Mera Hussain Hai
Mera Badshah Hussain Hai

Aman Ka Mehromah Bhi Joh Shahon Ka Hai Shah Bhi
Aisa Badshah Hussain Hai, Mera Hussain Hai
Mera Badshah Husain Hai

Kare Koi Joh Hamsari Kisi Ki Kya Majal Hai
Hussain Har Lihaz Se Jahan Mein Bemisal Hai
Yeh Ho Chuka Hai Faisala Na Koi Dusra Hassan
Na Koi Dusra Hussain Hai, Mera Hussain Hai
Mera Badshah Husain Hai

Hidayat-e-hussain Par Amal Karo Aye Mominon
Rahenge Hum Bahisht Mein Yakeen Rakho Aye Mominon
Kubul Hogi Har Dua Kisi Se Kyun Darein Bhala
Hamara Waasta Hussain Hai, Mera Hussain Hai
Mera Badshah Hussain Hai

Duaon Mein Nidaon Mein Joh Wasta Isse Banaega
Bahisht Ki Joh Rahon Ka Rasta Isse Banaega
Na Waste Mein Tod Hai Na Raste Mein Mod Hai
Aisi Sidhi Rah Hussain Hai, Mera Hussain Hai
Mera Badshah Hussain Hai

Kaza Ke Baad Fir Mujhe Nayi Hayat Mil Gayi
Azab Se Itab Se Mujhe Nijat Mil Gayi
Sawal Jab Kiya Gaya Hai Kaun Tera Paishwan
Toh Maine Keh Diya Husain Hai,Mera Hussain Hai
Mera Badshah Hussain Hai

Shaheed Karbala Ka Gham Jisse Bhi Na Gawar Hai
Wo Bad’amal Hai Bad’nasab Ussi Pe Be-shumar Hai
Arey Oh Dushman-e-azal Tu Mar Zara Qabar Mein Chal
Pata Chalega Kya Hussain Hai, Mera Hussain Hai
Mera Badshah Hussain Hai

Karega Joh Mukhalifat Ghame Hussain Ki Yahan
Woh Hoga Hashr Hashr Mein Ke Al-Hafiz o Al-Amaan
Jahan Bhi Chupne Jayega Kahin Bhi Bach Na Payega
Ke Har Jagah Mera Hussain Hai, Mera Hussain Hai
Mera Badshah Hussain Hai

Hume Naaz Hai Bas Tujh Par Khwaja O More Khwaja Manqabat Lyrics

Khwaja More Khwaja
Khwaja More Khwaja Khwaja Ji
Khwaja More Khwaja
Khwaja More Khwaja

Moinuddin Moinuddin Khwaja
Moinuddin Moinuddin Mere Khwaja

Zamana Chute Hum Na Chodenge Dar E Garib Nawaz

Hame Naaz Hai Bas Tujh Par Kisi Aur Pe Naaz Nahi
Tere Jesa Zamaane Mein Koi Banda Nawaz Nahi
Tere Dene-Dilaane Ka Andaz Nirala Hai
Kisi Aur Ka Duniya Mein Esa Andaaz Nahi

Moinuddin Moinuddin Khwaja
Moinuddin Moinuddin Mere Khwaja
Khwaja Ji Khwaja More Khwaja

Ae Chisht Nagar Wale Tum Mera Bharam Rakhlo
Sadke Mein Muhammad Ke Hum Sab Pe Karam Kardo

Moinuddin Moinuddin Khwaja
Moinuddin Moinuddin Mere Khwaja
Khwaja Ji Khwaja More Khwaja

Fariyad Meri Sunlo Ae Hind Ke Maharaja
Mein Aas Lagaaye Hoon Kabhi Mere Bhi Ghar Aaja
Teri Shaan Pe Mein Sadqe Qurban Tere Khwaja
Ae Ibn E Sakhi Khwaja, Ae Hind Wali Khwaja

Moinuddin Moinuddin Khwaja
Moinuddin Moinuddin Mere Khwaja
Khwaja Ji Khwaja More Khwaja

Tere Dar Ke Bhikhari Hai Tere Dar Ke Mangte Hain
Dhanwan Hai Tu Khawaja Tere Tukdo Pe Palte Hain
Tere Aage Hamari Kuch Aukat Nahi Khawaja
Jo Kaam Hamaare Hai Tere Naam Se Chalte Hain

Moinuddin Moinuddin Khwaja
Moinuddin Moinuddin Mere Khwaja
Khwaja Ji Khwaja More Khwaja

Kar Apne Gunaaho Par Bas Ek Nazar Khwaja
Aabaad Khuda Rakhe Tera Chisht Nagar Khwaja
Teri Chokhat Tera Darr Mangto Ka Thikana Hai
Jaayein To Kaha Jaayein Tera Chodke Dar Khwaja

Moinuddin Moinuddin Khwaja
Moinuddin Moinuddin Mere Khwaja
Khwaja Ji Khwaja More Khwaja 

Shane Ramzan Ayaa Char Soo Lyrics

Allah Hoo Allah Hoo Allah Hoo
Shane Ramzan Ayaa Char Soo

Zindagi Sabr Se Aashna Ho Gayi
Shanne Ramzan Dehr Mein Ayaa Ho Gayi
Jo Nazar Mein Nahi Tha Kinara Mila
Aisa Maahe Karam ka Sahara Mila

Ashk Aankhon Se Daaman Mein Aake Gira
Mujh Khatakaar Ko Kya Se Kya Kar gaya
Banda Karne Laga Rab Se Yoon Guftugu

Allah Hoo Allah Hoo Allah Hoo
Shane Ramzan Ayaa Char Soo

Barkate Yoon Falak Se Utarne Lagi
Kirne Jaise falak pe Bikharne Lagi
Silsila rehmaton Ka Dua Se Mila
Ne'maton Ka Ye Kaisa Mahina Mila
Aao Mil Bant Kar Baant Le Har Khushi

For Video
https://www.youtube.com/watch?v=SeWVwt29tGc


Jo Nabi Se Mere Aashna Ho Gaya Lyrics

Jo Nabi Se Mere Aashna Ho Gaya
Uska Dil Aaina Aaina Ho Gaya

Keh Raha Hai Khuda Khud Hi Quran Me
Jo Nabi Ka Hua Woh Mera Ho Gaya

Husne Sarkar Ka Hai Ajab Mojiza
Jisne Dekha Wahi Aap Ka Ho Gaya

Muntakhib Aap Ki Zaate Waala Hui
Naame Paak Aap Ka Mustafa Ho Gaya

Aapke Qadmon Ki hai ye Azmat Badi
Jis Taraf Chal Diye Raasta Ho Gaya

Zehaale Miskeen Makun Taghaful Lyrics Kalaame Khusro

Zehaal-e-miskeen makun taghaful,
Duraye naina banaye batiyan
Ke taab-e-hijran nadaram ay jaan,
Na leho kahe lagaye chatiyan

Shaban-e-hijran daraz chun zulf,
Wa roz-e-waslat cho umer kotah
Sakhi piya ko jo main na dekhun,
To kaise kaatun andheri ratiyan

Yakayak az dil do chashm-e-jadu,
Basad farebam baburd taskin
Kisay pari hai jo ja sunave,
Piyare pi ko hamari batiyan

Cho shama sozan cho zaraa hairan,
Hamesha giryan be ishq an meh
Na nind naina na ang chaina,
Na aap aaven na bhejen patiyan

Bahaq-e-roz-e-visaal-e-dilbar,
Ke daad mara gharib Khusro
Sapet man ke varaye rakhun,
Jo jaye pauN piya ke khatiyan

Ishq Ke Rang Me Rang Jaaye Mere Yaar Lyrics

Ishq ke rang me rang jaein jab afkaar to khulte hein ghulaamon pe wo asraar ke rehte hein wo towseef o sana e shahe abraar me har lehzaa Guhar baar
Warna Wo Sayyid e Aali Nasabi han Wohi Ummi Laqabi Hashmi o Muttalabi o Arabi o Qarashi o Madani aur kahan hum se gunahgaar

Aarzoo ye he ke ho qualb muattar wo mutahhar wo munawwar wo mujalla wo musaffa dure aalaa jo nazar aae kahin jalwaae roo e shahe abraar
Jin ke qadmon ki chamak chaand sitaaron me nazar aae jidhar se wo guzar jaae wohi raah chamak jae damak jae mahak jae bane rownaq e gulzaar

Soongh lun khushbue geisoue Muhammad wo siya zulf nahin jis ke muquaabil ye banafsha ye suyunti ye chambeli ye gule laalaa o champaa ka nikhaar
Jis ki nakhat pe hein qurbaan gul o barg o saman naafa e aahoo e khutan baad e chaman boo e chaman naaz e chaman noor e chaman rang e chaman saaraa chaman zaar

Ik shahanshah ne bakhshe jo samarkand o bukhaaraa kissi mehboob ke rukhsaar ke til par magar ay Sayyid e Aalam teri namos teri azmat par
Ay Rasool e Madani aik nahin laakhon hein qurbaan gahe ishq ke har koocha o bazaar me sar apnaa hatheli pe liye phirte hein karne ko nisaar

Aap ke zikr me hein naghma saraa  sare hadii/hudaa khuwane arab naghma nigaaraane ajam shawkate alfaaz adab azmate kirtaas o qalam baate sabaa mohje naseen
Dahne bulbule shiri lahane umriyo toti shabe mahtaab sitaare malak o hoor jinaa jin ki nawaon me duroodon ka hisaar

Warafahnaa lakazikrak ki iss aayaa e towseef ki towseef me tafseer me tashreeh me tawzeeh me tazmeen main har ehd ki shaamil he zabaan
Labe Hassan o Ravaahaa wa labe Fatemah Zahraa o Ali aabide bimaar Busairi dahane urfi o jaame labe saadi o razaa sab sarshaar

Ishq ke rang me rang jaae muhajir ho ke pakhtoun balonchi ho ke punjabi o sindhi ho k gujrati k memon kissi khitte ki qabeeley ki zaban is se nahin koyi sarokaar
Jaamae ishqe Mohammad jo pehen letaa he har khar ko wo phool banaa letaa he dunyaa ko jhukaa leta he kartaa he zamaane ko muhabbat ka shikaar

Ye muhaajir ki he saf aur ye punjaabi ki pakhtoun ki sindhi ki balonchi ki juda parh ke dikhao to kisi shehr ki masjid me kabhi aisi namaz
Haram e kaba me arafat ke maidaan me ya Roza e Sarkaar pe kyun shaane milaate ho wahan karte nahi rang ka aur nasl ka tum apni shumaar

Aye Adeeb Ab yun hi alfaaz ke ambaar me ham doobte reh jaein magar haq ki sanaa goyi adaa phir bhi naa kar paein ye jazbaat o zabaan o qalam o fikr o khayaal
Unki midhat to Malaaik ka wazifaa he Sahaaba ka tariqaa he ibaadat ka saleeqaa he ye khaaliq ka pasandeeda he Quran ka he iss me shiyaar

Soz e Dil Chahiye Chashm e Nam Chahiye Lyrics

Soz e dil chahiye chashm e nam chahiye,
aur shouq e talab mautabar chahiye
Ho mayassar madeenay ki galya agar,
ankh kaafi nahi hai nazar chahiye

Unki mehfil ke aadaab kuch aur hain,
lab kushayi ki jurrat munasib nahi
Unki Sarkar me iltija ke liye,
jumbish e lab nahi chashm e tarr chahiye

Apni roodad e gham me sunau kisay,
mere dukh ko koi aur samjhe ga kya
Jinki khak e qadam bhi hai khake shifa,
mere zakhmo ko wo charagar chahiye

Raunaqain zindagi ki buhat dekh li,
Ab mai ankhon ka apni karunga bhi kya
Ab na kuch deedni hai na kuch guftani,
mujhko Aaqa ki bas ek nazar chahiye

Mai gada e dar e Shahe kaunain hoon,
sheesh mehlon ki mujh ko tamanna nahi
Ho mayyaser zamin per ke zer e zameen, mujhko Taiba me ek apna ghar chahiye

In naye rasto ki nayi raushni,
humko raas ayi hai aur na raas ayegi
Hum ko khoyi hui raushni chahiye,
humko aayin e khair ul bashar chahiye

Gosha gosha Madinay ka pur noor hai,
sara mahol jalwon se mamoor hai
Shart yeh hai ke zarf e nazar chahiye,
daikhnay ko koi deedawar chahiye

Midhat e shah e kouno makaan ke liye,
sirf lafzon bayaan ka sahara na lo
Fann e Sheri hai Iqbal apni jaga,
naat kehnay ko khoon e jigar chahiye

© Naat Sharif - Naat Lyrics, Hamd, Naats, Manqabats, Salaams., AllRightsReserved.

Maintained by Naat Sharif Channel